Mikið um dýrðir konunglegu brúðkaupi

Svíar fögnuðu í dag brúðkaupi Carls Phil­ips Svíaprins og Sofiu Hellqvist sem fram fór í kon­ung­legu kap­ell­unni í Stok­khólmi. Kóngafólk frá öllum heimshornum kom til Svíþjóðar til að vera viðstatt athöfnina. 

Það var kátt í sænsku konungshöllinni í dag en brúðkaupið var allt hið glæsilegasta eins og venjan er þegar kemur að kóngafólki. Parið kynntist á veitingastað fyrir fimm árum og trúlofaðist í fyrra. 550 gestir voru við athöfnina, þeirra á Takamado japansprinsessa, Margrét Þórhildur danadrottning, Maxima Hollandsdrottning og Edward Bretaprins.

Eftir að Carl Phil­ip kyssti brúði sína, var farið var með hjón­in í gegn­um miðborg­ina í hest­vagni við mikinn fögnuð viðstaddra, en þúsundir Svía fylgdust með í glampandi sól og hita í miðborg Stokkhólms.

Carl Philip, sem er 36 ára, er sonur konungshjónanna Karls Gústafs og Silvíu og þriðji í röðinni að sænsku krúnunni. Sofia er þrítug, fyrrverandi raunveruleikastjarna og jógakennari. Þar sem hún er ekki af konungsættum þurfti prinsinn sérstakt leyfi konungsfjölskyldunnar til að kvænast henni.