Mörk frá Aguero og Messi dugðu ekki til sigurs

Argentína glutraði niður 2-0 forystu gegn Paragvæ og þurfti að sætta sig við jafntefli í fyrsta leik sínum í Suður Ameríku keppninni í fótbolta sem fram fer í Chile.

Það voru engir aukvissar í liðin Argentínu og þeir Sergio Aguero og Lionel Messi sáu til þess að Argentína var með 2-0 forystu í hálfleik.

Líklega hafa flestir búist við því að Argentína myndi sigla öruggum sigri í höfn en svo var ekki.

Nelson Valdez, leikmaður Frankfurt í Þýskalandi, minnkaði muninn á 60. mínútu með stórkostlegu marki. Það var svo varamaðurinn Lucas Barrios, leikmaður Montpellier, sem tryggði Paragvæ jafntefli með marki á 90. mínútu.