Kjær til Tyrklands

Tyrkneska liðið Fenerbahce hefur fest kaup á danska varnarmanninum Simon Kjær frá Lille.

Kjær skrifaði undir fjögurra ára samning við Fenerbahce en kaupverðið er tæpar átta milljónir evra.

Lille spilaði í tvö ár með Lille eftir erfiða tíma hjá Wolfsburg og Roma. Hann stóð sig vel hjá Lille og var valinn í lið ársins í Frakklandi í fyrra.

Kjær hefur leikið 50 landsleiki fyrir Danmörku og skorað tvö mörk.

Fenerbahce endaði í 2. sæti tyrknesku deildarinnar í vetur, þremur stigum á eftir meisturum Galatasary.