Pablo spilaði í klukkutíma gegn Sanchez og félögum

Pablo Punyed splaði í rúman klukkutíma þegar El Salvador tapaði 1-0 gegn Síle í æfingarleik, en spilað var á Sausalito leikvangnum í Síle.

Eina mark leiksins kom í fyrri hálfleik, nánar tiltekið á fjórtándu mínútu, en það skoraði Jorge Valdivia eftir undirbúning frá Jean Beausejour, leikmanni Wigan.

Fleiri urðu mörkin ekki, en úrvalsdeildarleikmenn voru i liði Síle; leikmenn á borð við Mauricio Isla og Eduardo Vargas, en stórstjarnan Alexis Sanches spilaði sem fremsti maður hjá heimamönnum.

Pablo spilaði í 64 mínútur á miðjunni hjá El Salvador, en hann missti af leik liðsins gegn Leikni í bikarnum á fimmtudag vegna landsleiksins í dag. Þeir gætu orðið fleiri eins og Vísir greindi frá á dögunum.