O'Neill og Keane sluppu ómeiddir frá árekstri

Martin O'Neill, landsliðsþjálfari Írlands og Roy Keane, aðstoðarmaður hans, lentu í umferðaróhappi rétt utan Dublin í kvöld þegar ekið var aftan á þá.

Auk þeirra voru þrír aðrir starfsmenn úr þjálfaraliði írska landsliðsins í bílnum.

Knattspyrnusamband Írlands staðfesti þetta í kvöld og sagði að þeir hefðu fengið skoðun hjá lækni landsliðsins á hóteli írska liðsins. Enginn hlaut alvarleg meiðsli.

Írland mætir Skotlandi í undankeppni EM 2016 á laugardag. Skotar eru í þriðja sæti D-riðils en Írland í fjórða. Pólland og Þýskaland eru á toppi riðilsins.