Langþráður sigur hjá Start

Íslendingaliðið Start í Noregi, lið þeirra Matthíasar Vilhjálmssonar, Guðmundar Kristjánssonar og Ingvars Jónssonar, vann langþráðan sigur á Haugesund rétt í þessu, 2-0. Leikið var á heimavelli Haugesund.

Matthías og Guðmundur léku báðir allan leikinn í liði Start en Ingvar Jónsson sat sem fastast á varamannabekknum. Matthías gerði sér lítið fyrir og lagði upp fyrra mark Start í leiknum en Kristoffer Vassbakk Ajer skoraði bæti mörk liðsins.

Þetta var fyrsti sigur Start síðan í 3. maí og liðið er nú í 9. sæti með 12 stig. Einn leikur hefst núna kl. 16:00 þegar Molde tekur á móti Sandefjord.