Fæðingartíðni í Þýskalandi orðin sú lægsta í heimi

Fæðingartíðni í Þýskalandi er sú lægsta í heimi sé tekið mið af rannsókn Hamburg Institute of International Economics (HWWI). Þetta kemur fram í frétt Independent.

Fæðingartíðni í Þýskalandi er þannig orðin lægri en í Japan, þar sem áður var lægsta tíðni fæðinga í heimi.

Einhverjir hafa áhyggjur af því að þetta muni hafi áhrif á efnahagslífið í Þýskalandi, vegna skorts á mannauði. Höfundar rannsóknarinnar sögðu einnig að þátttaka kvenna í atvinnulífinu væri lykillinn að efnahagslegri framtíð landsins og varaði við hækkandi meðalaldri Þjóðverja.

Í Þýskalandi fæddust að meðaltali 8.2 börn á hverja 1000 íbúa síðastliðin fimm ár.

Þetta þýðir að prósenta fólks á aldrinum 20 - 65 ára í Þýskalandi kemur til með að lækka úr 61% í 54% árið 2030.

Í Japan fæddust 8.4 börn á 1000 íbúa á sama tíma, í Portúgal fæddust 9.0 á hverja 1000 íbúa og á Ítalíu 9.3. Í Frakklandi og í Bretlandi fæddust 12.7 börn á hverja 1000 íbúa.

Hæsta fæðingartíðnin er í Afríku, nánar tiltekið í Níger þar sem 50 börn fæddust á hverja 1000 íbúa á sama tímaskeiði.