Mynd af rektorum HÍ vekur athygli: „Hvar er Valli?“

Mynd sem er nú í talsverðri dreifingu á Facebook sýnir alla 28 rektora Háskóla Íslands frá upphafi. Meðal þeirra sem deila myndinni á síðu sinni eru Sigríður Ingibjörg Ingadóttir, þingmaður Samfylkingarinnar, og vefritið knúz.is en það sem þykir athyglisvert við myndina er að á henni sést greinilega einsleitt kynjahlutfall rektoranna frá upphafi.

Kristín Ingólfsdóttir, fráfarandi rektor, er sem kunnugt er fyrsti kvenkyns rektorinn í sögu skólans. Þykir mörgum Facebook-notendum nokkuð athyglisvert að sjá henni stillt upp með forverum sínum og vitna margir í þrautabókina Hvar er Valli? í því samhengi.

Staða rektors Háskóla Íslands er mörgum hugleikin þessa dagana enda verður kosið á ný milli þeirra Jóns Atla Benediktssonar og Guðrúnar Nordal á morgun, eftir að engum tókst að ná hreinum meirihluta í rektorskjörinu fyrir viku. Sennilega vilja margir sem deila myndinni hvetja kosningabæra til að kjósa Guðrúnu til þess að rétta örlítið af kynjahlutfallið.

Áhugavert!

Posted by Sigríður Ingibjörg Ingadóttir on 18. apríl 2015