Námsúrræði fyrir þá eldri verði efld í kjölfar breytinga

sunna karen sigurþórsdóttir skrifar 8. apríl 2015 13:48

Illugi Gunnarsson menntamálaráðherra segir að á undanförnum árum hafi framlög til fræðslumiðstöðva verið stóraukin og að haldið verði áfram að efla úrræði fyrir 25 ára og eldri eftir breytingar sem taka gildi nú í haust. vísir/ernir

Efla á námsúrræði 25 ára og eldri í kjölfar breytinga á framhaldsskólakerfinu sem taka gildi nú í haust. Breytingarnar fela í sér styttingu framhaldsskólans um eitt ár ásamt því að aðgengi 25 ára og eldri að bóknámi í framhaldsskólum verður skert.

Þetta segir Illugi Gunnarsson menntamálaráðherra í samtali við Vísi. Hann segir að verið sé að fylgja fordæmum Norðurlandaþjóðanna til að draga úr brottfalli nemenda, því á Íslandi sé brottfall með því mesta sem þekkist innan OECD landanna. „Það er nauðsynlegt að halda áfram að byggja upp þau úrræði fyrir þá sem eldri eru og því sem þeim hentar, til dæmis þannig að starfsreynsla verði metin upp í námið. Fjármunir til fræðslumiðstöðva hafa verið stórauknir einmitt til þess að geta sinnt því verkefni,“ segir Illugi.

Brottfall mest meðal 20 ára og eldri

Hann tekur það fram að 25 ára og eldri sé ekki meinuð innganga í framhaldsskóla en að nú verði þeir sem yngri eru, eða ungmenni á aldrinum 16-25 í forgangi. „Við hækkuðum framlagið á hvern nemanda sem var orðið hættulega lágt þannig að við ættum að geta veitt þeim aukna þjónustu til að komast betur í gegnum námið. Rannsóknir sýna að brottfall er mest á meðal tuttugu ára og eldri.“

Námið umtalsvert dýrara

Fræðslu- og símenntunarmiðstöðvar ásamt háskólabrú Keilis, frumgreinadeild Háskólans í Reykjavík og háskólagátt Háskólans á Bifröst eru á meðal úrræða sem í boði eru fyrir þá eldri. Kostnaðurinn við slíkt nám hleypur þó alla jafna á hundruðum þúsunda.

„Þetta er dýrara eins og staðan er núna. En menn geta líka lokið náminu svolítið hraðar og geta tekið seinni hlutann í svokölluðum háskólagáttum og fengið lán fyrir því,“ segir Illugi.

Illugi segir að með þessum breytingum sé verið að takast á við vandamál sem hafi verið viðvarandi of lengi. „Það var farið að valda verulegum vandamálum í skólakerfinu hversu litlir fjármunir fylgdu hverjum nemanda. Þessar breytingar geta leitt til þess að nemendur 25 ára og eldri geti ekki fengið pláss í framhaldsskólum en við erum á undanförnum árum búin að stórauka framlög til fræðslumiðstöðva um land allt til þess að geta boðið þeim sem eldri upp á nám sem er sambærilegt við það sem er í framhaldsskólum, en þá með kennsluháttum sem hentar þeim.“

Tengdar fréttir

Hver vill ekki stytta framhaldsskólann?

Illugi Gunnarsson menntamálaráðherra er maður sem vill vel. Hann vill stytta nám til stúdentsprófs úr fjórum árum í þrjú. M.ö.o. vill hann stytta framhaldsskólastigið um eitt ár. Hann vill ekki að þetta komi niður á gæðum námsins;

25. mars 2014 07:00

Sleggjudómar menntamálaráðherra

„Illugi Gunnarsson, mennta- og menningarmálaráðherra, segir að framhaldsskólinn nýti tíma íslenskra ungmenna illa.“ Þetta hafði Agnes Bragadóttir eftir Illuga í viðtali sem birtist í Mbl. 9. okt. Að mati Illuga eru of fáir sem ljúka framhaldsskólanámi á Íslandi og hann telur að besta leiðin til að breyta því sé að skerða námið um 25%.

4. nóvember 2014 07:00

Fólk geti ráðið hvenær það vill fara í framhaldsskóla

Skólameistari Fjölbrautaskólans í Garðabæ segir að allir eigi að eiga rétt á ókeypis þriggja til fjögurra ára framhaldsskólanámi, sama hvað fólk er gamalt. Það eigi að vera val hvers og eins hvenær sá réttur er nýttur.

17. október 2014 07:00

Aldurstakmörk sett á nemendur í framhaldsskólum

Þingmaður Samfylkingarinnar segir aðgerðir menntamálaráðherra fækka framhaldsskólanemum um 900. Ráðherra segist ætla að efla framhaldsskólanna og auka framlög á hvern nemanda.

15. október 2014 19:30

Styttri framhaldsskóli?

Illugi Gunnarsson vill stytta framhaldsskólann um a.m.k. 1 ár. Hann er kominn í gömlu, slitnu stuttbuxurnar af Ólafi G. Einarssyni, Birni Bjarnasyni og Tómasi I. Olrich. Þorgerður K. Gunnarsdóttir hætti við styttingu.

3. apríl 2014 07:00

Segir menntamálaráðherra loka framhaldsskólunum fyrir nemendum eldri en 25 ára

Menntamálaráðherra var á Alþingi í dag sakaður um að loka framhaldsskólunum fyrir nemendum eldri en 25 ára og vísa þeim í staðinn á sautján sinnum dýrari úrræði.

20. október 2014 18:55

Gæti þurft að hætta með leikskólabraut FG

Mikilvægt er að tryggja rétt nemenda til framhaldsnáms óháð aldri. Þetta segir skólameistari Fjölbrautarskólans í Garðabæ sem segir fyrirhugaðar breytingar sem eiga að takmarka aðgengi nemenda 25 ára og eldri að framhaldsskólum geta orðið til þess að hætta þurfi með leikskólabraut sem kennd er við skólann.

16. október 2014 13:28