Fyrsta hryðjuverkaárás Boko Haram í Tsjad

Liðsmenn hryðjuverkasamtakanna Boko Haram hafa ráðist á bæ í Tsjad og drepið fjölda fólks. Þetta er ku vera fyrsta árás Boko Haram í landinu. Reuters greinir frá.

Árásin var gerð aðfaranótt mánudagsins þegar um þrjátíu liðsmenn samtakanna kveiktu í fjölda húsa. Reuters hefur eftir heimildarmönnum innan öryggislögreglu landsins að fjöldi fólks hafi látið lífið í árásinni.

„Þeir komu um borð í kanóum og drápu um tíu manns áður en herinn réðst gegn þeim,“ segir einn bæjarbúa.

Liðsmenn Boko Haram vilja stofna íslamst ríki í kringum Tsjad-vatn, landsvæði í Nígeríu, Tsjad, Kamerún og Níger.

Tsjadneski herinn er einn sá öflugasti í þessum heimshluta og tekur nú þátt í sókn stjórnarherja gegn hryðjuverkasamtökunum. Talsmaður hersins segir að hermenn hafi drepið nokkur hundruð liðsmenn samtakanna síðustu tvær vikurnar.