Obama fylgist með röngum Cameron

Barack Obama Bandaríkjaforseti hefur of lýst David Cameron, forsætisráðherra Bretlands, sem einum af sínum bestu vinum og „bróður“ en svo virðist sem vinátta þeirra félaga nái ekki til samfélagsmiðla.

Obama fylgist með um 645 þúsund manns á samskiptamiðlinum Twitter, en Cameron er ekki einn þeirra. Að minnsta kosti ekki „hinn eini sanni“ David Cameron.

Forsetinn fylgist þó með öðrum David Cameron – tölvuleikjaaðdáenda frá Oregon sem tjáir sig meðal annars um málefni Star Trek.

Forsætisráðherra Bretlands fylgist einungis með 382 manns og er Obama einn þeirra.

Í frétt Telegraph segir að á meðal færslna hjá Cameron í Oregon sé: „Ég er búinn að fá mér tvö glös af víni og er skyndilega kominn með svo mikinn hiksta að ég mun líklegast togna í vöðva.“

Sorting through a giant box of 30 year old Lego is surprisingly disgusting.

— DavidCameron (@davidcameron) January 19, 2015

Any Oregon area friends who might be available tomorrow to help unload a moving van into a storage unit?

— DavidCameron (@davidcameron) January 18, 2015