Hägglund hættir sem formaður Kristilegra demókrata

Göran Hägglund, formaður Kristilegra demókrata í Svíþjóð, tilkynnti í morgun að hann hyggst hætta sem formaður flokksins.

Hägglund tók sæti á þingi fyrir Kristilega demókrata árið 1991 og hefur verið formaður flokksins frá árinu 2004. Hann var félagsmálaráðherra í ríkisstjórn Fredriks Reinfeldt á árunum 2006 til 2014.

Hägglund sagðist hafa tekið ákvörðunina um síðustu jól og segir að boðað verði til auka landsfundar í vor.

Hägglund tók við formannsembættinu árið 204 af Alf Svensson sem hafði þá gegnt formannsembættinu frá 1971.

Kristilegir demókratar hlutu 4,6 prósent atkvæða í síðustu þingkosningum og sextán þingsæti.

Om ca tre minuter inleder jag en presskonferens där jag meddelar att jag kommer att lämna uppgiften som partiledare för kristdemokraterna.

— Göran Hägglund (@goranhagglund) January 29, 2015