Fleiri hundruð lögreglumanna sneru baki í borgarstjórann

Fleiri hundruð lögreglumanna sneru baki í borgarstjóra New York-borgar þegar hann flutti ávarp í útför annars tveggja lögregluþjóna sem skotnir voru til bana í Brooklyn-hverfi í síðasta mánuði.

Wenjian Liu, sonur kínversks innflytjanda, var skotinn ásamt félaga sínum Rafael Ramos af árásarmanni en talið var að árásin tengdist vaxandi óánægju með störf lögreglu almennt. 

Fjöldi fólks kvaddi sér hljóðs í athöfninni, en fyrir utan bygginguna mátti sjá lögreglumenn snúa sérstaklega baki við hana þegar borgarstjórinn Bill de Blasio flutti ávarp sitt. Ávarp de Blasio var sjónvarpað á skjám fyrir utan bygginguna. Frá þessu er sagt í frétt BBC.

Fjöldi manna innan lögreglunnar í New York hafa lýst yfir óánægju með de Blasio og meintri samúð hans í garð þeirra sem hafa gagnrýnt störf lögreglu í vetur.