Hannes Þór á leið til NEC Nijmegen

Terje Hopen, stjórnarformaður norska B-deildarliðsins Sandnes Ulf, segir að það séu góðar líkur á því að félagi komist að samkomulagi við hollenska liðið NEC Nijmegen um söluna á Hannesi Þór Halldórssyni.

Þetta kemur fram í Sandnesposten í dag en Hopen segir að félagið hafi þegar hafnað tveimur tilboðum frá NEC í Hannes Þór. En hann telur að félögin muni ná saman á endanum.

„Það er góður tónn í viðræðunum,“ sagði Hopen. „Við erum að nálgast niðurstöðu.“

Tyrkneska félagið Karabükspor bauð einnig í Hannes Þór og markvarðaþjálfari þess var á vellinum þegar Sandnes Ulf vann Strömmen í dag, 3-1.

„Það góða er að liðin tvö yfirbuðu hvort annað sem keyrði verðið upp. Það er ekki víst að við fáum það sem við teljum að Hannes sé virði en við fáum þó að minnsta kosti þokkalegt verð.“

Hannes Þór hefur skoðað aðstæður í Hollandi og sagði eftir leikinn í kvöld að sér lítist vel á. „Það á enn eftir að ganga frá nokkrum atriðum en ég er bjartsýnismaður að eðlisfari.“

Líklegt er að leikur Sandnes Ulf gegn Hönefoss þann 6. júlí verði síðasti leikur Hannesar með liðinu. Liðið verður nýliði í hollensku úrvalsdeildinni á næstu leiktíð en meðal leikmanna liðsins er FH-ingurinn Kristján Gauti Emilsson.