Framhaldið enn í okkar höndum

Petr Cech, markvörður Tékklands, telur að liðið jafni sig fljótt á tapinu gegn Íslandi í gær. Næstu tveir leikir Tékka eru gegn neðstu liðum riðilsins, heima gegn Kasakstan og svo úti gegn Lettlandi.

"Þetta tap særir okkur. Við náðum forskoti og litum ágætlega út. En Ísland svaraði vel fyrir sig, mætti okkur af fullum krafti. Við náðum því miður ekki að halda forskotinu nógu lengi til að draga úr þeim trúnna," sagði Cech eftir fyrsta tap Tékkland í riðlinum.

"Við gerðum fleiri mistök í þessum leik en við höfum gert hingað til. Við skorðum snemma í síðari hálfleik en missum svo boltann klaufalega í mörkunum þeirra," bætti Cech við.

Tékkland byrjaði undankeppnina á fjórum sigrum í röð en hefur í tveimur síðustu leikjum mátt sætta sig við 1-1 jafntefli við Lettlanda á heimavelli og svo tap gegn Íslandi í gær.

"Ef einhver hefði boðið okkur 13 stig eftir sex umferðir fyrir mótið, þá hefðum við tekið því. En það er súrt að vita til þess að staðan gæti verið enn betri. Við erum samt enn með þetta í okkar höndum," sagði Cech.