Lewandowski skoraði þrennu á 5 mínútum | sjáðu mörkin

Robert Lewandowski gerði sér lítið fyrir og skoraði þrennu á fimm mínútum þegar Pólverjar unnu 4-0 sigur á Georgíu á heimavelli sínum. Þrennan var svokölluð "Fullkomin þrenna" þar sem Lewandowski skoraði eitt mark með skalla, eitt með vinstri fæti og eitt með hægri fæti.

Staðan í leiknum var 1-0 fyrir Pólland allt fram á 89. mínútu. Þá ákvað Lewandowski að taka leikinn í sínar hendur og valtaði hreinlega yfir varnarmenn Georgíu.

Þó það hafi ekki verið staðfest ennþá, þá hlýtur þetta að vera einhver fljótasta þrenna í sögu undankeppninnar. Enda varla hægt að skora fljótari þrennu en þetta.