Poulsen og Poulsen afgreiddu Serba

Danir tóku á móti Serbíu í Kaupmannahöfn en þessi lið eru í I-riðli undankeppninnar fyrir EM í Frakklandi. Leikurinn endaði með 2-0 sigri Dana sem eru í 2. sæti riðilsins með 10 stig, tveimur stigum færri en Portúgal sem situr á toppnum.

Yussuf Poulsen, leikmaður Leipzig í Þýskalandi, kom Dönum yfir á 13. mínútu þegar hann endaði laglega sókn danska liðsins með góðu innanfótarskoti sem hafði út við stöng serbneska marksins.

Danir fengu kjörið færi til komast í 2-0 og taka leikinn í sínar hendur þegar brotið var á Pierre Höjbjerg innan vítateigs. Á punktinn fór Daniel Agger, fyrrum leikmaður Liverpool, en Vladimir Stojkovic, markvörður Serba, sá við honum og varði.

Serbar sóttu í sig veðrið í síðari hálfleik og Danir geta þakkað Kasper Schmeichel markverði að Serbar hafi ekki jafnað metin í upphafi síðari hálfleiks.

En það Jakob Poulsen, leikmaður nýkrýndra Danmerkurmeistara Mydtjylland, innsiglaði sigur Dana með marki þremur mínútum fyrir leikslok.