Höfuðpaur árásarinnar á Garissa-háskóla drepinn í drónaárás

Fjórir háttsettir liðsmenn hryðjuverkasamtakanna al-Shebaab voru drepnir í drónaárás Bandaríkjahers í Sómalíu í morgun. Talsmaður innanríkisráðherra Keníu staðfesti þetta í samtali við fjölmiðla í dag.

Í frétt News24 segir að einn hinna látnu hafi verið of Mohamed Mohamud, einnig þekktur sem Dulyadin, Kuno og Gamadhere, sem er talinn hafa skipulagt hryðjuverkaárásina á Garissa-háskóla í Kenía í apríl þar sem 148 manns voru drepnir. Flestir hinna látnu voru stúdentar við skólann.

Mwenda Njoka, talsmaður innanríkisráðuneytsins, segir að Bandaríkjaher hafi stýrt drónanum, en að Keníuher hafi veitt þeim víðtæka aðstoð.