Heimamenn fóru á kostum

Síle fór á kostum í Suður-Ameríkukeppninni, en liðið skoraði fimm gegn Bólivíu í nótt. Með sigrinum tryggði liðið sér toppsætið og sæti í átta liða úrslitunum. Það var ljóst fyrir leikinn vegna úrslita annara leikja fyrr um daginn.

Veislan byrjaði eftir þrjár mínútur, en þá kom Charles Aranguiz Síle yfir. Arsenal-leikmaðurinn, Alexis Sanches, bætti við öðru marki fyrir hlé og þannig stóðu leikar í hálfleik.

Aranguiz bætti við öðru marki sínu og þriðja marki Síle á 66. mínútu og Gary Medel kom Síle í 4-0. Ronaldo Raldes skoraði svo sjálfsmark undir lokin og lokatölur 5-0.

Heimamennirnir enda á toppnum í riðli A með sjö stig, en þeir gerðu jafntefli við Bólivíu.Bæði Síle og Bólivía eru komin áfram í átta liða úrslitin.