Maksimovic tryggði Serbum heimsmeistaratitil

Serbía varð í nótt heimsmeistari skipað leikmönnum tuttugu ára og yngri, en sigurmarkið kom þegar tvær mínútur voru eftir af framlengingunni.

Stanisa Mandic kom Serbíu yfir á 70. mínútu, en Brasilíumenn höfðu þá ekki fengið mark á sig í 571 mínútu eða síðan þeir fengu á sig mark í leik númer tvö í riðlakeppninni.

Adam var ekki lengi í paradís því þremur mínútum síðar jafnaði Andreas Pereira, leikmaður Manchester United, metin fyrir Brasilíu.

Framlengja þurfti leikinn og sigurmarkið kom ekki fyrr en tvær mínútur voru eftir af leiknum. Það gerði Nemanja Maksimovic með góðu skoti og tryggði því Serbum sigurinn.

Glæsilegur árangur hjá Serbum en landslið þeirra skipað leikmönnum 21 árs og yngri stendur nú einnig í ströngu í heimalandinu. Þeir keppa þar á Evrópumóti U21-árs landsliða.