Þjóðverjar skelltu Dönum

Þýskaland skellti Danmörku, 3-0, á Evrópumót landsliða skipað leikmönnum 21 árs og yngri, en leikið er í Serbíu. Kevin Volland gerði tvö mörk fyrir Þjóðverja.

Danmörk var með þrjú stig fyrir leikinn eftir 2-1 sigur á Tékkum, en Serbar gerðu jafntefli við Þjóðverja í fyrsta leiknum, 1-1.

Fyrsta mark leiksins kom á 32. mínútu, en það gerði Kevin Volland, framherji Hoffenheim, eftir sendingu frá Emre Can, leikmanni Liverpool. Staðan 1-0 í hálfleik.

Volland bætti við öðru marki sínu í upphafi síðari hálfleiks og Matthias Ginter, varnarmaður Borussia Dortmund, gerði þriðja mark Þjóðverja á 53. mínútu.

Lokatölur urðu 3-0 og Þjóðverjar því á toppi riðilsns með fjögur stig. Alexander Scholz, fyrrverandi varnarmaður Stjörnunnar, spilaði allan leikinn í vörn Dana.

Í hinum leik slátruðu Tékkar Serbum 4-0. Jan Kliment gerði þrjú mörk og Martin Frydek gerði eitt. Serbía á botninum með eitt stig, en Tékkar með þrjú stig eftir leikina tvo.