Argentína marði Jamaíku með marki frá Higuain

Argentína marði Jamaíku í Suður-Ameríkukeppninni með marki frá Gonzalo Higuain í upphafi leiks. Eftir sigurinn endar Argentína á toppi B-riðils.

Gonzalo Higuain, framherji Napoli og fyrrum framherji Real Madrid, kom Argentínu yfir eftir ellefu mínútna leik og þannig stóðu leikar í hálfleik.

Þeir náðu ekki að bæta við fleiri mörkum í síðari hálfleik þrátt fyrir að stórstjörnur á borð við Angel Di Maria, Lionel Messi og Carlos Tevez hafi verið inná. Lokatölur 1-0 sigur Argentínu.

Argentína endar á toppi A-riðils með sjö stig, en Paragvæ er í öðru sætinu með fimm stig, Úrúgvæ í því þriðja með fjögur og Jamaíka á botninum með ekkert. Argentína, Paragvæ og Úrúgvæ fara öll áfram.