Sú markahæsta að hætta

Abby Wambach, ein sigursælasta knattspyrnukona Bandaríkjanna frá upphafi, tilkynnti í dag að hún myndi leggja skóna á hilluna í árslok.

Wambach tilkynnti þetta stuttu eftir heimsókn bandaríska landsliðsins í Hvíta húsið í Washington en þar tók Barack Obama Bandaríkjaforseti á móti liðinu sem varð heimsmeistari í sumar.

Wambach er markahæsti leikmaður bandarísku landsliðanna - karla og kvenna - með 184 mörk í alls 252 landsleikjum. Hún ætlar að spila með bandaríska landsliðinu í síðustu fjórum landsleikjum ársins og hætta eftir leik Bandaríkjanna og Kína þann 16. desember. Hún er einnig markahæsta landsleikjakona heims.

Hún á mun fleiri leiki að baki með landsliði sínu en félagsliðum. Hún lék með Washington Freedom, magicJAck og Western New York Flash á sínum atvinnumannaferli en lék samtals rúmlega 100 leiki með þeim.

Hún varð tvívegis Ólympíumeistari með liði Bandaríkjanna og valinn leikmaður ársins í heiminum árið 2012.