Ójafnrétti í framfærslugreiðslum

Fjölmenn mótmæli áttu sér stað í borginni San José í Kosta Ríka í gær. Kröfðust mótmælendur jafnréttis varðandi framfærslueyri eftir hjúskaparslit.

Mótmælt var fyrir framan heimili forsetans, Luis Guillermo Solís, en lögreglumenn mynduðu varnarvegg fyrir framan húsið og héldu mótmælendum í skefjum. Lög sem varða framfærslueyri hafa verið gagnrýnd að undanförnu og helst þær íþyngjandi refsingar sem felast í lögunum en menn geta átt yfir höfði sér margra ára fangelsisrefsingu brjóti þeir lögin.

Oft er aðeins settur þriggja daga frestur til greiðslu framfærslueyris sem getur verið himinhá fjárhæð.