Þénar 1,3 milljónir króna á dag

Ofurfyrirsætan Cara Delevingne þénar tæpar 1,3 milljónir króna á degi hverjum. Undanfarið hefur hún gert tískusamninga við stórfyrirtæki á borð við Chanel, Victoria's Secret og DKNY þar sem hún er með sína eigin fatalínu.

Samkvæmt upplýsingum sem hafa verið birtar um fyrirtæki hennar Cara & Co hefur Delevingne aukið tekjur sínar frá árinu 2012, sem þá námu um 215 milljónum króna, því á síðasta ári hafði hún um 255 milljónir króna í tekjur. Fram kemur einnig að fyrirsætan greiddi sjálfri sér laun frá fyrirtækinu sínu upp á um 64 milljónir króna í fyrra.

Delevingne, sem verður andlit jólaherferðar Topshop, hefur notið mikillar velgengni síðustu ár. Á Twitter hefur hún 1,93 milljónir fylgjenda.