Skyndibrúðkaup í sveitinni

Útvarpsmaðurinn og gleðigjafinn Sigvaldi Kaldalóns, betur þekktur sem Svali gekk að eiga unnustu sína, Jóhönnu Katrínu Guðnadóttur, á laugardaginn. Þau trúlofuðu sig árið 2006 og ætluðu að vera löngu búin að gifta sig.

Ákvörðunin um að ganga í það heilaga var hins vegar tekin fyrir viku síðan og því fyrirvarinn ansi stuttur. Svali og Jóhanna Katrín voru stödd á hótel Búðum, ásamt Svavari Erni og Daníel Erni kærasta hans þegar ákvörðunin var tekin.

Athöfnin fór fram í Búðakirkju og voru Svavar Örn og Daníel Örn þeir einu sem voru viðstaddir, enda skyndibrúðkaup. Þá fór sunnudagurinn hjá brúðhjónunum í það að láta fjölskyldu og vini vita að þau hefðu látið til skarar skríða.