Zlatan skoraði tvö og klikkaði á víti - PSG náði bara jafntefli

Zlatan Ibrahimovic skoraði tvö mörk fyrir Paris Saint Germain í opnunarleik frönsku úrvalsdeildarinnar í fótbolta í kvöld en frönsku meistararnir náðu samt aðeins jafntefli á móti Reims, 2-2.

Paris Saint Germain vann sannfærandi sigur í frönsku deildinni í fyrra en Reims endaði þá í 11. sæti með 41 stigi minna í 38 leikjum.

Zlatan Ibrahimovic kom PSG í 1-0 strax á 7. mínútu í kvöld en sænski framherjinn lét síðan verja frá sér vítaspyrnu sem hann fékk sjálfur tólf mínútum síðar.

Reims-liðið nýttu sér þetta og komst í 2-1 fyrir hálfleik með mörkum Prince Oniangué og Antoine Devaux með tólf mínútna millibili.

Zlatan Ibrahimovic var ekki hættur og skoraði jöfnunarmarkið á 63. mínútu eftir sendingu frá Javier Pastore sem lagði einnig upp fyrra markið fyrir hann.