Fótbolti

Ardiles: Messi er ánægðari með Argentínu

Ossie Ardiles hefur mikla trú á landa sínum, Lionel Messi.
Ossie Ardiles hefur mikla trú á landa sínum, Lionel Messi. Vísir/Getty
Ossie Ardiles, sem varð heimsmeistari með Argentínu á heimavelli 1978, segir að Lionel Messi líði betur með argentínska landsliðinu en Barcelona.

"Við erum með mjög gott lið og höfum besta leikmann heims í okkar röðum, svo það er full ástæða til bjartsýni," sagði Ardiles, sem hefur bæði spilað og þjálfað á Englandi.

"Allra augu munu beinast að fyrirliðanum okkar, Messi. Fyrir síðasta HM spilaði hann frábærlega með Barcelona en ekki jafn vel með Argentínu.

"Núna er þessu öfugt farið. Messi hefur ekki átt sitt besta tímabil með Barcelona, en hann spilaði mjög vel með Argentínu í undankeppni HM og skoraði fleiri mörk en nokkur annar.

"Hann verður að vera upp á sitt allra besta ef við ætlum að vinna HM og ég hef fulla trú á því," sagði Ardiles sem hrósaði einnig Alejandro Sabella, þjálfara Argentínu.

"Sabella hefur elfst sjálfstraust Messis og leyft honum að spila þá stöðu sem hann vill spila.

"Núna virðist Messi vera miklu ánægðari þegar hann spilar fyrir Argentínu," segir Ardiles að lokum.

HM 2014 í Brasilíu

Tengdar fréttir

Messi skoraði í sigri | Risahögl í Brüssel

Liðin sem taka þátt á HM í Brasilíu eru nú óða önn að undirbúa sig fyrir komandi átök, en margir vináttulandsleikir hafa farið fram á undanförnum dögum.

Fjölmiðlar í Argentínu særðu Messi

Lionel Messi hefur ekki alltaf náð sér á strik með argentínska landsliðinu og hann viðurkennir að hafa orðið sár vegna þeirrar gagnrýni sem hann hefur mátt þola í heimalandi sínu.

Mest lesið


Fleiri fréttir

Sjá meira


×

Mest lesið