Enski boltinn: Sumarið hjá Newcastle United

Seinni hluti síðasta tímabils reyndist Newcastle United erfiður, en eftir söluna á Yohan Cabaye til Paris SG fór gengi liðsins síversnandi.

Ekki bætti úr skák að Alan Pardew, þjálfari liðsins, var dæmdur í sjö leikja bann fyrir að skalla David Meyler, leikmenn Hull City. Stuðningsmenn voru eðlilega ekki sáttir með gang mála og létu óánægju sína ljós með kröftugum hætti.

Pardew hélt samt starfinu og hefur gert ágætis kaup í sumar. Tveir hollenskir leikmenn voru fengnir til liðsins; Siem de Jong frá Ajax og hægri bakvörðurinn Daryl Janmaat frá Feyenoord, en honum er ætlað að fylla skarð Mathieu Debuchy sem var seldur til Arsenal fyrir tíu milljónir punda.

Tveir leikmenn voru sömuleiðis keyptir frá frönskum liðum; Remy Cabella frá Montpellier og Emmanuel Riviere frá Moanco, en þeir koma til með að styrkja Newcastle-liðið fram á við. Þá kom miðjumaðurinn Jack Colback frá erkifjendunum í Sunderland.

Fleiri leikmenn gætu verið á leiðinni til Newcastle en í því samhengi hefur m.a. verið rætt um frönsku framherjana Alexandre Lacazette og Loic Remy, en sá síðarnefndi lék sem lánsmaður með Newcastle á síðustu leiktíð.

Hatem Ben Arfa er að öllum líkindum á förum frá Newcastle, en hann mætti aftur til félagsins eftir sumarfrí í of góðum holdum.

Komnir:

Ayoze Perez frá Tenerife

Jack Colback frá Sunderland

Siem de Jong frá Ajax

Remy Cabella frá Montpellier

Emmanuel Riviere frá Monaco

Daryl Janmaat frá Feyenoord

Farnir:

Conor Newton til Rotherham United

Dan Gosling til Bournemouth

Mathieu Debuchy til Arsenal

Shola Ameobi samningslaus

Michael Richardson samningslaus

Sylvain Marveaux til Guingamp (á láni)