Farþegi úrskurðaður látinn í Keflavík

Farþegi lést í flugvél á leið frá Brussel til Washington á föstudag. Endurlífgun hófst á meðan fluginu stóð en bar ekki árangur. Vélinni var lent á Keflavíkurflugvelli þar sem farþeginn var úrskurðaður látinn.  Þetta kemur fram í tilkynningu frá lögreglunni á Suðurnesjum.

Á sunnudag var annarri vél lent á Keflavíkurflugvelli, einnig vegna veikinda  farþega. Sú vél var á leiðinni frá St. Pétursborg til Punta Cana í Dóminíska lýðveldinu. Farþeginn var fluttur á Heilbrigðisstofnun Suðurnesja og svo þaðan á Landspítala til aðhlynningar.