Innlent

„Samband fullvalda ríkja“

Kjartan Atli Kjartansson skrifar
"Evrópusambandið er nú samband fullvalda ríkja sem er sérstaks eðlis þar sem þau hafa falið stofnunum ESB að fara með vissa fullveldisþætti fyrir þeirra hönd.“
"Evrópusambandið er nú samband fullvalda ríkja sem er sérstaks eðlis þar sem þau hafa falið stofnunum ESB að fara með vissa fullveldisþætti fyrir þeirra hönd.“ Vísir/Getty
Í skýrslu Hagfræðistofnunar Háskóla Íslands um stöðu aðildarviðræðnanna við ESB er látið í ljós það mat að Evrópusambandið sé hvorki ríki né sambandsríki og að aðildarríki þess séu fullvalda.

Í kafla um stofnanir sambandsins er meðal annars fjallað um hinn umdeilda stjórnarskrársáttmála sem aldrei tók gildi. Skýrsluhöfundar segja að orðið stjórnarskrá hafi að mörgu leyti verið rangnefni á samningnum, sem undirritaður var 2004 en hafnað í þjóðaratkvæðagreiðslum í Frakklandi og Hollandi.

Samningurinn hafi að mörgu leyti fremur verið hátíðleg stofnskrá. Í skýrslunni er komist að þeirri niðurstöðu að aðildarríki ESB hafi áfram síðasta orðið um það hvort stofnanir sambandsins haldi sig innan þeirra valdheimilda sem þeim eru fengnar.

„Samkvæmt þessu verður Evrópusambandinu hvorki líkt við einstök aðildarríki né sambandsríki og hefði ný stjórnarskrá engu breytt um það,“ segja skýrsluhöfundar.

„Evrópusambandið felur í sér réttarkerfi sem hefur algera sérstöðu hvort sem tekið er mið af stofnunum þess, efnisreglum eða starfsemi. Úrslitaatriðið er að aðildarríkin hafa það á valdi sínu að ákveða hvaða vald Evrópusambandið fer með eða muni fara með. Stjórnarskráin hefði hins vegar falið í sér tiltekna framþróun í löggjöf Evrópusambandsins.“

Ennfremur segir í skýrslunni: „Evrópusambandið er nú samband fullvalda ríkja sem er sérstaks eðlis þar sem þau hafa falið stofnunum ESB að fara með vissa fullveldisþætti fyrir þeirra hönd.“


Tengdar fréttir

Reynt að mæta lýðræðishalla

„Að sama skapi hafa áhrif þjóðþinga aðildarríkja Evrópusambandsins farið stöðugt vaxandi,“ segir í skýrslu Hagfræðistofnunar HÍ um aðildarviðræður Íslands og ESB.

Hægt að bæta upp afnám verndartolla

Hagfræðistofnun Háskóla Íslands segir í skýrslu sinni um stöðu aðildarviðræðna Íslands og Evrópusambandsins að embættismenn ESB hafi ekki séð fram á óleysanleg vandamál í viðræðum um landbúnað.

Erfitt að leggja mat á stöðu viðræðna

Hagfræðistofnun Háskóla Íslands segir óheppilegt að ekki hafi verið lögð fram samningafstaða í fjórum köflum í samningaviðræðunum við ESB, þegar meta á stöðu viðræðnanna.

Landsmenn fá að sjá Evrópuskýrsluna í dag

Þingmenn Framsóknarflokks og Sjálfstæðisflokks funduðu hvor í sínu lagi í gærkvöldi vegna Evrópuskýrslunnar sem er að vænta í dag. Ríkisstjórnin mun ræða hana á fundi fyrir hádegi í dag.

Dæmi um undanþágur frá sjávarútvegsstefnunni

„Hins vegar hafa fengist tímabundnar undanþágur og í sumum tilfellum hefur tekist að fá fram breytingar í löggjöf sambandsins til að eiga við sérstök vandamál," segir í skýrslu Hagfræðistofnunar HÍ um stöðu aðildarviðræðna við ESB.

Verðbólga lækkar við inngöngu í ESB

Við inngöngu í Evrópusambandið hafa ríki sem glímt hafa við háa verðbólgu náð tökum á henni. Þetta kemur fram í skýrslu Hagfræðistofnunnar HÍ um aðildarviðræður Íslands og Evrópusambandsins

Mest lesið


Fleiri fréttir

Sjá meira


×

Mest lesið