Innlent

Erfitt að laga Ísland að fiskveiðistefnunni

Kjartan Atli Kjartansson skrifar
Skýrsluhöfundar Evrópuskýrslu Hagfræðistofnunar segja vandséð hvernig Ísland ætti að setja fram tímasetta áætlun um aðlögun að sameiginlegri sjávarútvegsstefnu Evrópusambandsins. ESB hefði líklega farið fram á slíka áætlun, hefðu aðildarviðræður haldið áfram.
Skýrsluhöfundar Evrópuskýrslu Hagfræðistofnunar segja vandséð hvernig Ísland ætti að setja fram tímasetta áætlun um aðlögun að sameiginlegri sjávarútvegsstefnu Evrópusambandsins. ESB hefði líklega farið fram á slíka áætlun, hefðu aðildarviðræður haldið áfram.
Skýrsluhöfundar Evrópuskýrslu Hagfræðistofnunar segja vandséð hvernig Ísland ætti að setja fram tímasetta áætlun um aðlögun að sameiginlegri sjávarútvegsstefnu Evrópusambandsins. ESB hefði líklega farið fram á slíka áætlun, hefðu aðildarviðræður haldið áfram.

„Margir viðmælendur skýrsluhöfunda telja að Evrópusambandið hafi viljað setja opnunarviðmið vegna sjávarútvegskaflans sem fram kæmi í rýniskýrslu. Sé miðað við opnunarviðmið sem lögð voru fram vegna kafla um landbúnað og dreifbýlisþróun má ætla að slíkt hefði kallað á gerð tímasettrar aðgerðaráætlunar Íslendinga um hvernig og hvenær þeir hygðust aðlagast löggjöf og stefnu Evrópusambandsins,“ segir í skýrslunni.

„Óvíst er hvað það hefði haft í för með sér ef slíkt opnunarviðmið hefði verið sett fram en ef haft er í huga hve ólíkar áherslur eru í stefnu Íslands og Evrópusambandsins er vandséð hvernig Ísland hefði getað komið með áætlun um aðlögun að stefnu Evrópusambandsins í sjávarútvegsmálum.“

Hagfræðistofnun rifjar upp að meirihluti utanríkismálanefndar Alþingis hafi viljað halda þeim möguleika opnum að Íslendingar héldu áfram að veiða hvali.

„Hjá Evrópusambandinu falla hvalveiðar undir kaflann um umhverfismál. Í ljósi þess að mikil andstaða er við hvalveiðar í Evrópusambandinu og að þýska þingið ályktaði sérstaklega að sett skyldi það skilyrði fyrir aðild Íslands að Evrópusambandinu að Íslendingar hættu að veiða hvali, er ljóst að litlar líkur eru til að hægt hefði verið að semja um undanþágur frá hvalveiðibanni,“ stendur í skýrslunni.


Tengdar fréttir

Hægt að bæta upp afnám verndartolla

Hagfræðistofnun Háskóla Íslands segir í skýrslu sinni um stöðu aðildarviðræðna Íslands og Evrópusambandsins að embættismenn ESB hafi ekki séð fram á óleysanleg vandamál í viðræðum um landbúnað.

Dæmi um undanþágur frá sjávarútvegsstefnunni

„Hins vegar hafa fengist tímabundnar undanþágur og í sumum tilfellum hefur tekist að fá fram breytingar í löggjöf sambandsins til að eiga við sérstök vandamál," segir í skýrslu Hagfræðistofnunar HÍ um stöðu aðildarviðræðna við ESB.

Verðbólga lækkar við inngöngu í ESB

Við inngöngu í Evrópusambandið hafa ríki sem glímt hafa við háa verðbólgu náð tökum á henni. Þetta kemur fram í skýrslu Hagfræðistofnunnar HÍ um aðildarviðræður Íslands og Evrópusambandsins




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.