Tap gegn Tyrkjum

Íslenska U19 árs landsliðið tapaði þriðja og síðasta leik sínum gegn Tyrkjum í milliriðli Evrópumótsins í dag. Ísland tapaði því öllum þremur leikjum sínum á mótinu og fékk á sig alls 12 mörk í leikjunum þremur.

Fannar Hafsteinsson fékk tækifæri í mark íslenska liðsins en tókst ekki að koma í veg fyrir fjögur mörk Tyrkja í leiknum. Elías Már Ómarsson, Orri Sigurður Ómarsson og Kristján Flóki Finnbogason sáu um markaskorun Íslands í leiknum.

Serbía og Tyrkland enduðu jöfn að stigum en það verða Serbar sem fara upp úr milliriðlinum og í úrslitin. Stórsigur Serba gegn Íslendingum kemur sér þar vel að viki en markatalan skar á um hvort liðið fengi sæti í úrslitakeppninni í Ungverjalandi.