Tusk verður forseti leiðtogaráðsins

Donald Tusk, forsætisráðherra Póllands, hefur verið skipaður forseti leiðtogaráðs Evrópusambandsins. Þetta var ákveðið á fundi leiðtoga aðildarríkja sambandsins í dag. Þá tók Federica Mogherini, utanríkisráðherra Ítalíu, við embætti utanríkismálastjóra sambandsins.

Þetta þýðir að skipað hefur verið í allar þrjár veigamestu stöðurnar innan ESB, en Tusk og Mogherini munu starfa náið með Jean-Claude Juncker, nýjum forseta framkvæmdastjórnar sambandsins.

Skipun Tusk, sem tekur við af Belganum Herman van Rompuy, er talinn mikil sigur fyrir aðildarríki í austurhluta álfunnar, sem gengu flest í sambandið fyrir tíu árum síðan. Tusk er evrópusinnaður stjórnmálamaður, hægra megin við miðju.