Arnar Þór og lærisveinar með mikilvægan sigur

Arnar Þór Viðarsson og lærisvenar hans í Cercle Brugge unnu afar mikilvægan sigur á Mouscron-Peruwelz í belgísku úrvalsdeildinni í knattspyrnu í kvöld.

Junior Kabananga kom Cercle á bragðið eftir fimm mínútur, en Kabananga hefur verið heitur á tímabilinu.

Abdoulaye Diaby jafnaði metin rétt fyrir hálfleik, en Stephen Buyl tryggði Cercle sigurinn tuttugu mínútum fyrir leikslok.

Cercle situr enn í fallsæti, því fimmtánda, með sautján stig. Leikurinn í kvöld var einungis fjórði leikurinn af nítjan á tímabilinu sem Cercle vinnur, en ekki er langt síðan Arnar tók við liðinu.