Sælgæti streymir úr klakavélinni

Notandi á Reddit sló í gegn í vikunni þegar hann birti myndband sem sýndi hugmynd hans. Hugmynd sem margir vildu örugglega að þeir höfðu fengið.

Hann breytti klakavélinni á ískápnum sínum í skammtara fyrir sælgæti. Hugmyndin þykir stórkostleg fyrir þær sakir að sælgætið kemur frosið út úr klakavélinni.

„Ég elska sælgæti og ég elska að gera hlutina auðveldari fyrir sjálfan mig," var meðal þess sem notandinn, sem kallar sig Dericpeace, skrifaði við myndbandið. Alls hefur verið horft á myndbandið í eina og hálfa milljón skipta, en það hefur verið á Youtube síðan á miðvikudaginn. Hér að neðan má sjá myndbandið vinsæla.