Fjörutíu nefndir starfa á vegum Sigmundar

Fjörutíu nefndir starfa eða hafa starfað á vegum forsætisráðuneytisins frá kosningum. Kostnaður við þessar nefndir hefur verið rúmlega 92 milljónir króna. Þetta kemur fram í svari frá forsætisráðuneytinu við fyrirspurn Vísis.

Verkefnanefndir fyrirferðamestar

Flestar nefndanna eru verkefnanefndir sem skipaðar eru af ráðherra. Þar á meðal er til að mynda ráðgjafanefnd um afnám hafta, sérfræðingahópur um afnám verðtryggðar af neytendalánum og starfshópur um öryggismál æðstu stjórnar ríkisins.

Alls hafa 23 verkefnanefndir verið við störf á tímabilinu en þrjár hafa lokið störfum. Tuttugu eru því starfandi enn í dag en sex þeirra eru ótímabundnar.

Sautján ráðherra- og fastanefndir

Sex ráðherranefndir starfa á vegum forsætisráðuneytisins og eru þær allar ótímabundnar. Þar á meðal eru nefndir um efnahagsmál, jafnrétti kynja og ríkisfjármál. Enginn sérstakur kostnaður hefur fallið til vegna starfa þeirra samkvæmt yfirliti forsætisráðuneytisins.

Til viðbótar þessu starfa ellefu fastanefndir eða lögbundnar nefndir á vegum ráðuneytisins. Þar er til að mynda óbyggðanefnd, sem kostað hefur 22 milljónir króna á tímabilinu, úrskurðarnefnd um upplýsingamál, sem kostað hefur tæpar átta milljónir, og Þingvallanefnd.

Verðtryggingarnefndin dýrust

Í yfirlitinu kemur fram að sérfræðingahópur um afnám verðtryggingar á neytendalánum sé dýrasta nefndin sem skipuð hefur verið frá kosningum. Kostnaðurinn við hana nam rúmum 32 milljónum króna en hún lauk störfum á síðasta ári.

Nefndin skilaði tillögum til ráðuneytisins sem fólu í sér að takmörkun á heimildum til að veita verðtryggð lán, meðal annars bann við verðtryggðum jafngreiðslulánum til 40 ára, en ekki afnám verðtryggingar, líkt og lagt var upp með.

Þetta eru nefndirnar sem starfa á vegum forsætisráðuneytisins:

• Ráðherranefnd um efnahagsmál - (Ráðherranefnd)
• Ráðherranefnd um jafnrétti kynja - (Ráðherranefnd)
• Ráðherranefnd um lýðheilsumál - (Ráðherranefnd)
• Ráðherranefnd um málefni norðurslóða - (Ráðherranefnd)
• Ráðherranefnd um ríkisfjármál - (Ráðherranefnd)
• Ráðherranefnd um úrlausnir í skuldamálum heimilanna - (Ráðherranefnd)
• Almannavarna- og öryggismálaráð - (Aðrar fastar/lögbundnar nefndir)
• Nefnd um könnun á starfsemi vist- og meðferðarheimila fyrir börn - (Aðrar fastar/lögbundnar nefndir) - 11.66.242 krónur
• Orðunefnd - (Aðrar fastar/lögbundnar nefndir)
• Óbyggðanefnd - (Aðrar fastar/lögbundnar nefndir) - 22.298.810 krónur
• Ráðgjafarnefnd um opinberar eftirlitsreglur - (Aðrar fastar/lögbundnar nefndir)
• Samhæfingarnefnd um siðferðileg viðmið fyrir stjórnsýsluna - (Aðrar fastar/lögbundnar nefndir)
• Samstarfsnefnd um málefni þjóðlendna - (Aðrar fastar/lögbundnar nefndir) - 123.290 krónur
• Úrskurðarnefnd um upplýsingamál - (Aðrar fastar/lögbundnar nefndir) - 7.827.380 krónur
• Vísinda- og tækniráð 2012 - 2015 - (Aðrar fastar/lögbundnar nefndir) - 136.538 krónur
• Þingvallanefnd - (Aðrar fastar/lögbundnar nefndir)
• Jafnréttissjóður - (Aðrar fastar/lögbundnar nefndir) - 851.655 krónur
• Fastanefnd um samskipti aðila vinnumarkaðarins og hins opinbera - (Verkefnanefnd)
• Hagræðingarhópur ráðherranefndar um ríkisfjármál - (Verkefnanefnd) - 784.798 krónur
• Málnefnd Stjórnarráðsins - (Verkefnanefnd)
• Nefnd um leiðir til að sporna gegn sjálfvirkum vísitöluhækkunum - (Verkefnanefnd)
• Norðvesturnefnd - (Verkefnanefnd)
• Ráðgjafarnefnd um afnám hafta - (Verkefnanefnd) - 19.603.519 krónur
• Ritnefnd forsetaúrskurðar um skiptingu stjórnarmálefna milli ráðuneyta  - (Verkefnanefnd)
• Samráðshópur um aukna hagsæld - (Verkefnanefnd) - 164.950 krónur
• Sérfræðingahópur um afnám verðtryggingar af neytendalánum - (Verkefnanefnd) - 32.209.191 krónur
• Sérfræðingahópur um höfuðstólslækkun verðtryggðra húsnæðislána og kosti og galla leiðréttingasjóðs  - (Verkefnanefnd)
• Starfshópur um aðgerðir til að efla og auðvelda póstverslun - (Verkefnanefnd)
• Starfshópur um mótun hamfarasjóðs og eftirfylgni með úrbótatillögum í kjölfar náttúruhamfara - (Verkefnanefnd)
• Starfshópur um mótun stefnu um starfsemi sjálfstæðra úrskurðarnefnda - (Verkefnanefnd)
• Starfshópur um valkosti við brotaforðakerfi - (Verkefnanefnd) - 2.753.000 krónur
• Starfshópur um öryggismál æðstu stjórnar ríkisins  - (Verkefnanefnd)
• Stjórnarskrárnefnd   - (Verkefnanefnd) - 3.278.911 krónur
• Stýrihópur um framkvæmd EES-samninginn - (Verkefnanefnd)
• Verðtryggingarvaktin (undirhópur ráðherranefndar um úrslausnir í skuldamálum heimilanna) - (Verkefnanefnd)
• Verkefnisstjórn um græna hagkerfið - (Verkefnanefnd)
• Vinnuhópur um árleg hátíðarhöld á 17. júní - (Verkefnanefnd)
• Vinnuhópur um eftirlitsstofnanir ríkisins - (Verkefnanefnd) - 962.500 krónur
• Nefnd um sjálfvirkar verðlagshækkanir - (Verkefnanefnd)
• Samráðshópur ráðuneytisstjóra um náttúruvá - (Verkefnanefnd)