Drap vin sinn því hann pókaði kærustuna á Facebook

Scott Humphrey, sem myrti vin sinn Richard Rovetto eftir að hann komst að því að hann pókaði kærustu sína á Facebook, hefur verið dæmdur fjögurra ára fangelsi samkvæmt The Mirror.

Scott kýldi Richard ítrekað í leigubíl þegar þeir voru á leið heim úr steggjun með þeim afleiðingum að sá síðarnefndi lést.

Í dómsskjölum Nottingham Crown Court kemur fram að Scott hafi spurt Richard reiðilega að eftirfarandi spurningu:

„Af hverju pókaðirðu konuna mína ef þú ert svona góður vinur?“ en oft eru pók á Facebook túlkuð sem daður.

Richard hlaut alvarlega höfuðáverka í áflogunum og lést á sjúkrahúsi nokkrum klukkutímum síðar. Hann skilur eftir sig eina dóttur. Scott flúði af vettvangi en gaf sig fram til lögreglu stuttu síðar.