Akrafell komið í höfn

Akrafell, flutningaskip sem strandaði klukkan fimm í gærmorgun milli Reyðarfjarðar og Fáskrúðsfjarðar, hefur verið dregið til hafnar í Eskifirði.

Skipið losnaði um miðnætti í nótt í kjölfar háflóðs og skipið Aðalsteinn dró það þá til hafnar. Fimm varðskipsmenn auk skipstjóra voru borð í skipinu þegar það losnaði. Upphaflega áætlunin hljóðaði upp á það að skipið yrði dregið til Reyðarfjarðar en áður en þangað var komið var tekin kröpp beygja til Eskifjarðar þar sem skipið endaði loks. Samkvæmt vakthafandi lækni á spítalanum á Neskaupstað voru níu manns hafi fluttir á sjúkrahúsið vegna reykeitrunar. Þeir störfuðu í vélarrými skipsins með bensínknúnar loftdælur en ekki var nægilega vel reykræst í rýminu með fyrrgreindum afleiðingum.

Aðalsteinn hafði verið með dráttartaug fasta í skipinu frá því um hádegi í gær en til stóð að Varðskipið Þór myndi taka við þeim starfa í dag. Þór lagði af stað síðdegis í gær frá Reykjavík. 

Starfsmenn Samskips funda nú ásamt öðrum aðilum á vettvangi vegna málsins.