Erlent

Sá stærsti í aldarfjórðung

Birta Björnsdóttir skrifar
Jarðskjálftinn varð skömmu fyrir hálf fjögur í nótt að staðartíma og mældist sex stig. Skjálftinn er sagður sá stærsti sem skollið hefur á í Kaliforníu frá  árinu 1989. Skjálftinn varð á um tíu kílómetra dýpi.

Við höfum frétt af gasleka á rúmlega 100 stöðum, 3 föllnum rafmagnslínum og um 80 sjúkravitjanir hafa verið tilkynntar. Fjölmargir sjúklingar hafa komið á Queen of the Valley sjúkrahúsið, allir með áverka af völdum slysa tengdum jarðskjálftanum. Alvarlegt slys varð þegar eldstæði féll á barn. Eitt ungmenni er í lífshættu og flogið var með það sérhæft sjúkrahús," sagði John Callahan, varðstjóri hjá slökkviliðinu í Napa dalnum.

Ljóst er að mikið hreinsunarstarf bíður íbúa Kalíforníuríkis en fjöldi sögufrægra bygginga eyðilagðist mikið í skjálftanum, auk hýbýla fólks og gatna.

Innan við sólarhring eftir að skjálftinn reið yfir í Kaliforníu skalf jörð í Perú þegar skálfti af stærðinni 6,9 stig reið yfir suðurhluta landsins. Skjálftinn átti upptök sín um 61 kílómetra norðuaustur af borginni Puquio. Hið minnsta tveir slösuðust í skjálftanum og fjöldi bygginga eyðilagðist.


Tengdar fréttir

Risaskjálfti í Perú

Skjálftinn átti upptök sín um 61 kílómetra norðuaustur af borginni Puquio.

Íbúar Kalíforníu hreinsa til eftir skjálftann

Mikið hreinsunarstarf bíður íbúa Kalíforníuríkis í Bandaríkjunum eftir að jarðskjálfti sem mældist sex stig reið þar yfir í gær. Að minnsta kosti 130 slösuðust í skjálftanum sem átti upptök sín í vínræktarhéraðinu í Napa-dal.




Fleiri fréttir

Sjá meira


×