Viðar Örn skoraði og sá rautt í Íslendingaslag

Viðar Örn Kjartansson skoraði sitt nítjánda mark fyrir Vålerenga í norsku úrvalsdeildinni í dag þegar gerði jafntefli við Guðmund Þórarinsson og félaga í Sarpsborg, 2-2.

Viðar Örn kom Vålerenga yfir í upphafi síðari hálfleiks úr vítaspyrnu, en Viðar fiskaði vítið sjálfur. Tom Erik Breive jafnaði metin einungis fjórum mínútum síðar fyrir Sarpsborg.

Ghayas Zahid kom svo Vålerenga yfir tuttugu mínútum fyrir leikslok, en gestirnir voru ekki hættir og Kristoffer Tokstad jafnaði metin átta mínútum fyrir leikslok. Þar við sat.

Viðar Örn var ekki hættur, en hann sá rautt spjald í uppbótartíma. Guðmundur Þórarinsson spilaði allan leikinn fyrir Sarpsborg.

Vålerenag er eftir jafnteflið í fjórða sæti deildarinnar með 32 stig, en Sarpsborg í því áttunda með 25 stig.