Falcao að ná sér af meiðslunum

Radamel Falcao, framherji Monaco, er í óða önn að verða klár í slaginn en hann meiddist undir lok síðasta tímabils.

Kólumbíumaðurinn skaddaði liðband í vinstra hné og missti því af HM í Brasilíu.

Emirates Cup er helgina 2.-3. ágúst, en Monaco, Valencia, Arsenal og Benfica eru þau lið sem keppa á því sterka móti. Þjálfari Monaco vonast til að hann verði klár í slaginn þá.

„Ég held að hann geti byrjað að spila á ný á Emirates Cup. Hann er á lokastigi í endurhæfingu sinni," sagði Leonardo Jardim, þjálfari Monaco, við L'Equipe.

Falcao hefur verið orðaður við brottför frá Monaco en hann kom síðasta sumar til liðsins frá Atletico Madrid. Real Madrid hafa verið áhugasamir, en þeir fengu félaga Falcao úr kólumbíska landsliðinu, James Rodriguez, til liðs við sig í sumar.