Messi: Ég var orðinn stressaður

Argentína komst í átta liða úrslitin á HM í fótbolta í gær með því að leggja Sviss að velli í 16 liða úrslitunum, 1-0.

Leikurinn var jafn og spennandi en Argentínumenn skoruðu ekki sigurmarkið fyrr en tvær mínútur voru eftir af framlengingunni.

Lionel Messi fékk þá boltann á miðjum vallarhelmingi Sviss, brunaði með hann að teignum og lagði knöttinn á hárréttum tíma á Ángel di María sem skoraði með laglegu skoti.

„Ég var orðinn stressaður undir lokin því við gátum ekki skorað og ein mistök hefðu getað fellt okkur. Tíminn leið og leið og við vildum ekki að leikurinn færi í vítaspyrnukeppni,“ sagði Messi eftir leikinn.

Svisslendingarnir voru reyndar ekki langt frá því að jafna á lokasekúndum framlengingarinnar þegar varnarmaðurinn BlerimDzemaili skallaði í stöngina af tveggja metra færi.

„Við áttum í vandræðum en eitt frábært augnablik bjargaði okkur,“ sagði Lionel Messi.