HM-Uppbótartíminn: Loksins skoraði Hondúras

Annarri umferð Heimsmeistaramótsins lauk í gærkvöldi með jafntefli Bandaríkjanna og Portúgals. Vísir mun gera upp umferðina á léttum nótum í dag og hefur tekið saman ýmsa tölfræðimola úr fyrstu umferðinni.

Miroslav Klose jafnaði markamet Ronaldo þegar hann kom inná í leik Þýskalands og Gana. Klose var ekki lengi að stimpla sig inn en hann skoraði með sinni fyrstu snertingu í leiknum. Klose þurfti tuttugu leiki til þess að jafna met Ronaldo sem þurfti einum leik minna.

Með marki sínu gegn Gana varð Klose aðeins þriðji leikmaðurinn í sögu HM til þess að skora í fjórum mismunandi lokakeppnum. Komu mörk Klose í Suður-Kóreu og Japan, Þýskalandi, Suður Afríku og nú í Brasilíu. Aðeins Uwe Seeler og Pele höfðu leikið þetta áður.

England datt út úr Heimsmeistaramótinu í riðlakeppninni í fyrsta sinn frá árinu 1958 eftir að Kosta Ríka lagði Ítalíu að velli á föstudaginn. Englendingar ætluðu sér langt á mótinu í ár en þurfa að pakka saman og halda heim eftir riðlakeppnina.

Nígería vann Bosníu 1-0 en þetta var fyrsti sigur Nígeríumanna á lokakeppni HM frá því 19. júní 1998. Mótið var haldið í Frakklandi það árið og kom sigurinn gegn Búlgaríu. Nígeríumönnum tókst ekki að vinna leik á HM árið 2002 né 2010 en þeir komust ekki í lokakeppnina þegar mótið var haldið í Þýskalandi árið 2006.

Luis Suarez hefur skorað jafn mörg mörk í 7 leikjum fyrir Úrúgvæ og Cristiano Ronaldo og Lionel Messi hefur tekist að skora fyrir lönd sín í 22 leikjum á lokakeppni Heimsmeistaramótsins.

Aðeins fjórir leikmenn Hondúras voru fæddir síðast þegar liðinu tókst síðast að skora á lokakeppni HM. Kom markið gegn Norður-Írlandi á Heimsmeistaramótinu á Spáni en Hondúras var í riðli með ásamt Norður Írlandi, Júgóslavíu og Spáni. Leikmenn Hondúras léku 510 mínútur án marks.

Divock Origi varð yngsti markaskorari Belga á lokakeppni HM í sögunni þegar hann skoraði sigurmark Belgíu gegn Rússlandi á laugardaginn. Origi var nýorðinn 19 ára þegar hann tók hann við keflinu af Stéphane Demol.

Mexíkó náði í fyrsta sinn að stöðva Brasilíu á lokakeppni HM. Fram að leik liðanna í annarri umferð höfðu liðin mæst alls þrisvar og höfðu Brasilíumenn haft betur í öll skiptin. Markatalan var 11-0 Brasilíu í hag.

Í leik Írans og Argentínu áttu Íranir aðeins 114 sendingar sín á milli í öllum leiknum. Fimmtíu ár eru síðan lið var með færri sendingar í einum leik á lokakeppni Heimsmeistaramótsins