Stoltur af tækifærinu

Fernandinho var valinn í brasilíska landsliðið fyrir Heimsmeistaramótið eftir gott fyrsta tímabil í herbúðum Manchester City.

Fernandinho gekk til liðs við Manchester City þar sem hann átti frábært tímabil. Var hann mikilvægur hluti í City liðinu sem tryggði sér enska titilinn og fékk verðskuldað sæti í lokahóp Brasilíumanna fyrir mótið.

„Að spila á Heimsmeistaramóti hefur alltaf verið draumur minn og ég er stoltur af því að fá að klæðast brasilísku treyjunni á heimavelli. Það verða ekki margir brasilískir leikmenn sem fá tækifæri að spila á lokamóti HM á heimavelli. Þetta mun ekki gerast næstu hundrað árin,“ sagði Fernandinho