Þýskaland og Frakkland unnu hvorugt

Hvorki Þýskaland né Frakklandi tókst að vinna æfingaleiki sína í kvöld en tæpar tvær vikur eru þar til að HM í Brasilíu hefst.

Þýskaland gerði 2-2 jafntefli við Kamerún þar sem Samuel Eto'o kom þeim síðarnefndu yfir eftir markalausan fyrri hálfleik.

Thomas Müller og Andre Schürrle komu Þjóðverjum yfir en tólf mínútum fyrir leikslok náði Eric Macim Choupo-Moting að jafna metin fyrir þá afrísku.

Þýskaland mætir Armeníu í lokaleik sínum fyrir HM í Brasilíu á föstudag en ýmsar brotalamir voru á varnarleik þýska liðsins í kvöld.

Frakkland og Paragvæ gerðu 1-1 jafntefli og komu bæði mörkin seint í leiknum. Antoine Griezmann náði forystunni fyrir Frakka á 82. mínútu en Victor Cacares skoraði jöfnunarmark Paragvæ undir lok leiksins.

Frakkar voru þó sterkari aðilinn í leiknum og áttu að vera löngu búnir að gera út um hann áður en Cacares skoraði með skalla á lokamínútunni.

Belgía vann svo 2-0 sigur á Svíum með mörkum þeirra Romelu Lukaku og Eden Hazard en leikurinn fór fram á Friends Arena í Stokkhólmi.