Enginn Schmelzer í HM-hópi Þjóðverja

Joachim Löw, þjálfari þýska landsliðsins í fótbolta, tilkynnti í dag hópinn sem fer á heimsmeistarakeppnina í Brasilíu sem hefst eftir tíu daga.

Það er fátt sem kemur á óvart fyrir utan það að bakvörðurinn MarcelSchmelzer, leikmaður Dortmund, er skilinn eftir heima en hann hefur átt við meiðsli að stríða undanfarnar vikur.

Miroslav Klose fer með þrátt fyrir að vera ekki í 100 prósent leikformi og þá er BastianSchweinsteiger einnig í hópnum en hann hefur einnig átt við meiðsli að stríða.

Þýskaland er í gífurlega erfiðum riðli með Gana, Bandaríkjunum og Portúgal en liðið mætir fyrst Portúgal á fimmta leikdegi mánudaginn 16. júní.

Þýski hópurinn:

Markverðir: Manuel Neuer (Bayern Munich), Roman Weidenfeller (Borussia Dortmund), Ron-Robert Zieler (Hannover)    

Varnarmenn: Jerome Boateng (Bayern Munich), Erik Durm, Kevin Grosskreutz (Borussia Dortmund), Benedikt Hoewedes (Schalke 04), Mats Hummels (Borussia Dortmund), Philipp Lahm (Bayern Munich), Per Mertesacker (Arsenal)

Miðjumenn: Julian Draxler (Schalke 04), Matthias Ginter (Freiburg), Mario Gotze (Bayern Munich), Christoph Kramer (Borussia Mönchengladbach), Sami Khedira (Real Madrid), Toni Kroos (Bayern Munich), Mesut Ozil (Arsenal), Marco Reus (Borussia Dortmund), Andre Schurrle (Chelsea), Bastian Schweinsteiger (Bayern Munich)

Framherjar: Miroslav Klose (Lazio), Thomas Muller (Bayern Munich), Lukas Podolski (Arsenal)