Diego til Tyrklands

Brasilíumaðurinn Diego Ribas hefur komist að samkomulagi við Fenerbahce um að ganga til liðs við félagið í sumar. Forseti félagsins, Aziz Yildirim, greindi frá þessu í dag, en hann sagði jafnframt að Diego verði eini leikmaðurinn sem komi til Fenerbahce í sumar.

Diego kemur til Tyrklands á frjálsri sölu en samningur hans við þýska liðið Wolfsburg rennur úr í lok júní.

Hann lék sem lánsmaður hjá Spánarmeisturum Atletico Madrid seinni hluta síðasta tímabils og skoraði m.a. mikilvægt og stórglæsilegt mark í fyrri leiknum gegn Barcelona í átta-liða úrslitum Meistaradeildar Evrópu.