Tveir leikmenn þýska landsliðsins sluppu í bílslysi

Tveir leikmenn þýska landsliðsins lentu í bílslysi í gær en sluppu án meiðsla. Atvikið átti sér stað á atburði skipulögðum af Mercedes en leikmennirnir voru mættir á æfingu í dag.

Um er að ræða Benedikt Höwedes og ungstirnið Julian Draxler, leikmenn Schalke 04 í þýsku 1. deildinni. Leikmennirnir voru farþegar í bílnum en sluppu án meiðsla.

"Leikmennirnir ræddu við Benedikt og Julian og reyndu að róa þá. Slys líkt og þetta gerast reglulega og við verðum að reyna að einbeita okkur að framhaldinu. Við verðum að einbeita okkur að verkefninu og vonast eftir því að málið leysist á farsælan hátt." sagði Sami Khedira, leikmaður þýska landsliðsins og Real Madrid.

Tvær vikur eru þar til að flautað verður til leiks í Brasilíu en fyrsti leikur Þýskalands er gegn Portúgal í Salvador mánudaginn 16. júní.