Jaglielka þreyttur á umræðunni um Terry

Phil Jagielka, leikmaður enska landsliðsins og Everton, er orðinn þreyttur á umræðunni um að John Terry, leikmaður Chelsea ætti að gefa kost á sér í enska landsliðið á ný.  Terry hætti að spila með enska landsliðinu eftir að hafa verið dæmdur rasisti af enska knattspyrnusambandinu.

Talið er fullvíst að Jagielka verði í miðverðinum með liðsfélaga Terry hjá Chelsea, Gary Cahill. Terry og Cahill stóðu vakt sína vel á tímabilinu sem leið í enska boltanum og voru margir sem vildu sjá Terry í hópnum sem fer til Brasilíu.

Roy Hodgson hlustaði ekki á slíkt og valdi Jagielka, Cahill, Phil Jones og Chris Smalling en þessir leikmenn fengu aðeins á sig fjögur mörk í undankeppninni.

„Þetta verður þreytandi og ég get ekki sagt að það sé gaman að heyra þetta. Það má réttlæta umræðuna þar sem þeir spiluðu vel saman á tímabilinu en það gerðu ég og Gary líka í undankeppninni. Ég get hinsvegar ekki breytt umræðunni.“

Jagielka sem er 31 árs telur að þetta verði eini möguleiki hans að taka þátt í stórmóti. Hann sat á varamannabekk Englands allt mótið á Evrópumótinu 2012.

„Ólíkt mörgum af leikmönnunum í liðinu hef ég ekki verið lengi í kringum landsliðið. Vonandi fæ ég tækifærið í Brasilíu. Ég veit hversu gamall ég er og að ég á ekki mörg stórmót eftir,“ sagði Jagielka hreinskilinn.